Transcription
1
Monsegneur, le presente sera pour vous faire entendre comme lenn[emy]
2
partit hier de Chorges et vindrent coucher à Baratier près
3
Ambrun ; et à ce matin, sont partis pour venir à St-André. Partant
4
dudit Baratier, lont bruslé et touttes les granges dudit lieu.
5
Jei escript à votre segneurie deux fois despuis que lennemi
6
est à Chorges, vous advertissant, monsegneur, comme je reçois tous
7
les jours advertissementz de monsieur de Laborel et aultres
8
que lennemi veult venir assieger ceste vile et pour ce,
9
monsegneur, quen ceste dite ville i a peu de gens et mal armés
10
et qui ne font la garde que par force et aussi que les villages
11
ne me fournissent que de païsans qui nont jamais pourter les
12
armes, à ceste occasion, vous supplie, monsegneur, si le trouvés bon, me
13
donner commission de trente souldatz pour la seure garde tant du
14
château que de la vile ou sil vous plaist i envoier une,
15
vous asseurant, monsegneur, que combien que sois en [position]
16
de me bien deffendre, je creins fort de […]
17
voiant ceste vile si mal pourveue de gens de g[uerre, je]
18
envoie querir à Embrun ung sergent et six soldatz pour [..]
19
afaire faire bonne garde et ni ont demeuré que neuf jours,
20
les consulz se faschent de les paier. Vous scavés monsegneur, quun
21
homme seul ne peult pas faire grand-chose, aiant affaire à ung
22
peuple qui ne faict rien de bonne vollonté pour le service du
23
roy. Parquoy, monsegneur, vous plairra i donner tel ordre que
24
votre segneurie advisera estre necessaire. Monsegneur, je vous advertis
25
que les faulboures de ceste ville advenant ung siège, nous feriont
26
beaucop de mal pour estre si près de la muraile et qune partie
27
des maisons dudit faulboure commande dans une partie de la ville.
28
Sil vous plaist que je le face ruiner, je le ferai. Je croi,
29
monsegneur, quavés esté adverti comme ceux de Frecenière despuis
30
[320 v°] quinsiesme de ce mois se tiennent ordinerement sur le grand chemin
31
d’Embrun à Brianson et ledit jour i tuarent cinq hommes, lung
32
dici et le lendemein, bruslarent leglise de La Roche. Monsegneur,
33
il vous plairra aussi commander aulx consulz des aides de ceste [ville]
34
me fournir admonitions de guerre pour metre dans le château, vous
35
asseurant, monsegneur, que nei peu avoir deulx quun quintal de
36
pouldre et quatre charges de vin ; et vous plairra, monsegneur,
37
faire le tous. Je les fis assembler lundi dernier et leur ai
38
faict commandement de me fournir ce quil estoit necessaire
39
pour ledit château. Ilz me demandarent terme de trois jours pour
40
parler à leur conseil et promirent de me venir trouver mercredi,
41
ce quilz nont pas faict, vous asseurant, monsegneur, que ledit château
42
estant avitualhé et bien fort et pour ce deffendre avec peu de
43
gens, combien quilz tinssent la ville. Je vous envoie lacte du
44
commandement que leur a faict et aussi ung double de lettre que
45
manda monsieur de Uriage au cappitaine Ferrus. Fesant fin par
46
mes très humbles recommandations à votre bonne grace , priant Dieu,
47
monsegneur, quil vous donne en santé longue et très heureuse
48
vie. De Guilhestre, ce XXVe febvrier 1574.
49
Votre très humble serviteur
50
à vous faire très humble service
51
De comborcier.